Monthly Archives: September 2012

產前抑鬱… 完

呢排有幾樣嘢好困擾…… 1. 陪月員 話說當日搵 agent (香港專業陪月協會) 請陪月,講明個陪月員會喺我嘅預產期前兩個禮拜 stand-by, 即使我早咗生產佢都會 available, 同埋可以早啲嚟我哋屋企睇吓啲 BB 嘢買齊未。但係早幾日神推鬼 “甕”,俾我知道佢冇留個 buffer 不特止,而家個客仲做到過咗我個預產期! 話說早幾個月收到陪月公司一個男 agent Whatsapp, 話跟開我個女 agent 因健康理由唔可以再跟我哋、交由佢負責。點知前幾日個陪月員打嚟搵我,話搵唔到跟開我個女 agent, 驚第日幫完我哋會冇糧出。我同佢講完一輪陪月公司轉人手嘅嘢後,就問佢幾時得閒上嚟幫我睇吓啲嘢買齊未。點知佢話而家同個客每日做 24小時,一個禮拜 7日,要做到 11月5日先得。我跟住就話我預產期 11月2日,佢咪唔可以按 contract 原定日期/ 更早時間嚟幫我! 跟住佢話佢記到我個 edd 係 11月5日,做完手頭上個客就啱啱好,如果我早產佢會搵人嚟頂佢幾日。 我愈諗愈唔舒服,有乜理由 contract 簽咗就乜都唔同晒,真係唔想用佢!但係到我預產期得返一個月,叫我點搵過第二個陪月員;仲 available 嘅都唔敢請啦; 何況要搵照顧過素食孕婦嘅陪月員就更加難上加難! … Continue reading

Posted in 鄒太有o野講 | Leave a comment

開工大吉!

老公開始幫湊湊女洗定佢嘅用品~~ 洗完一輪後…… 我都幫阿女準備好佢個架: 尋日湊湊叔叔同未來嬸嬸送咗啲洗頭沖涼液俾湊湊女:

Posted in 鄒太有o野講 | Leave a comment

坐咗喺度

34W4D 今日返健康院,姑娘摸完肚話湊湊女好明顯係個頭仔向上咁坐咗喺度;如果佢自己仲唔快啲調頭仔,多數都要開刀。 雖然我知道我冇嘢做到、要順其自然,但聽到後真係好唔開心,因為我想順產,同老公一齊喺產房見証住女出世嗰一刻。 唉,希望今個禮拜五返盧醫生度照嗰陣湊湊女已經乖乖咁調咗頭仔啦…… 希望今個禮拜先開始飲嘅保生無憂湯 (莫醫師開嘅,話七個半月就可以開始飲) 真係有效咁糾正胎位啦……

Posted in 鄒太有o野講 | Leave a comment

又買

幫湊湊女喺海馬訂咗兩張健康床褥,打開吹散啲味先用。 終於都買到沖涼盤喇~ 原本喺荷花睇中咗個紫色盤,不過要 $3xx, 唔捨得買。今日喺千色見到另一個紫色盤,$289, 不過又細得滯,所以冇買。喺老公不斷催促下 (因為要用個盤嚟手洗湊湊女啲衫),就買咗 Minimoto 呢個。

Posted in 鄒太有o野講 | 2 Comments

其實我都想

尋晚睇電視講台北市林夜市,老公見到介紹豪大大雞排,就不時擰個頭同我講話記得嗰陣賣 50台幣一塊,跟住又係咁話好想食…… 於是我就同佢講起碼要等多兩、三年,等到湊湊女有返咁上下大個先可以去旅行。老公就問我如果放低湊湊女三日得唔得,我就話我唔捨得。 其實我都好想去旅行,我已經諗定等湊湊女三歲,同阿媽、老爺佢哋一齊自駕遊帶阿女去北海道睇花,應該會好開心!

Posted in 鄒太有o野講 | 2 Comments

估唔到會咁攰

話說今年我嘅生日禮物係一輯大肚相。由於生日嗰陣個肚都唔係好大,所以足足等多成個月到今個星期六 33W1D 先去影。 老公做完一輪 research, 決定揀 Dior Shum, 因為貪佢係女攝影師,影相風格啱我哋,同價錢合理。Dior 好平易近人,又識教我哋擺 pose, 又企、又坐、又訓低咁,比我想象中攰好多。計埋化妝時間一共三個鐘,換咗三套衫,到後期我已經攰到唔識笑同講嘢。Anyway, 整體個經驗唔錯! 期待兩、三個禮拜後去揀相~

Posted in 鄒太有o野講 | Leave a comment

即係點?

話說星期五 32W7D 返盧醫生度產檢,照 O/S 話湊湊未轉頭…… 早幾日喺容鳳書產檢時姑娘摸完肚又話湊湊轉咗…… 不過我都係信自己,有乜理由自己個女轉咗未都感覺唔到? kaka… 原本諗住叫 Dr Lo 照湊湊全身,點知佢話湊湊而家太大個,照唔到全身,於是就照佢塊面俾我睇。隱隱約約見到湊湊女對眼、鼻、同嘴仔。老公話阿女個嘴似佢,咁咪即係孖潤腸 ~

Posted in 鄒太有o野講 | Leave a comment

8899

幫湊湊女準備嘅嘢八八九九喇~ 經過一輪考慮,沖涼護膚用品決定用 Swisso Baby (瑞士寶寶) rather than Mustela/ Seba; 洗衣液都係用同一個牌子 rather than Babyganics. 仲買咗把豬鬃毛楓木梳,希望幫乖女梳頭時佢會好舒服啦~

Posted in 鄒太有o野講 | Leave a comment

湊湊女嘅花名

哈哈,我最鐘意幫湊湊女喺唔同情況下改唔同嘅花名: – 勁女: 阿女喺我個肚度郁得好犀利嗰陣 – 大力女: 阿女喺我個肚度好大力咁伸我一腳 – 大膽女: 我沖涼嗰陣阿女都喺我個肚度郁吓郁吓 – 思憶女: 阿女不斷打思憶嗰陣 – 靜局女: 成日靜英英唔係點郁 – 高竇女: 叫極佢都唔睬我嘅時候 – 大壞蛋: 當佢靜咗成日,而且叫極佢都唔睬我、嚇到我死死吓嘅時候 嘻嘻,當然叫得最多嘅就係 “乖女“~~

Posted in 鄒太有o野講 | 6 Comments

靜雞雞女~~

32W4D 尋日返健康院做產前檢查,姑娘摸咗我個肚兩吓就話 BB 轉咗頭仔喇~ 嘩,湊湊女靜雞雞轉咗頭仔都唔話俾媽媽知~ 定係我呢個阿媽大意,連個女轉咗頭仔都唔察覺到呢?

Posted in 鄒太有o野講 | Leave a comment